Македонски
Агенцијата за остварување на правата на заедниците во соработка со Мисијата на ОБСЕ во Скопје организира Партиципативен форум на тема: “Финансирање на граѓански организации” кој се одржува денеска 1 декември 2021 година во хотел Арка, Скопје.
На самиот форум предвидено е обраќање на Еран Куртиш – директор, Агенција за остварување на правата на заедниците, Роберт Алаѓозовски – национален координатор за интеркултурализам, едно општество, развој на културата и меѓуресорска соработка, Влада на РСМ како и Катарина Живковиќ – национална програмска офицерка, Мисија на ОБСЕ во Скопје.
Во работниот дел на Партиципативниот форум своја презентација и анализа во делот на финансирање на граѓанските организации ќе имаат и :
– Атула Касуми – државен советник, Министерство за политички систем и односи меѓу заедниците;
– Претставник од Агенција за млади и спорт;
– Ирена Оровчанец – советник, Агенција за остварување на правата на заедниците;
– Претставник од Министерство за култура;
– Сузана Никодијевиќ Филиповска – раководителка на сектор за анализа на политиките и координација, Генерален секретаријат на Влада на РСМ.
Целта на Форумот како неформален и консултативен механизам е зајакнување на соработката помеѓу органите на државна управа и заедниците, заедничко разгледување на прашања од интерес на заедниците, изготвување на препораки, релевантни предлози, законски и други предлози на текстови и давање мислења во врска со предложените владини политики кои можат посредно или непосредно да влијаат врз остварувањето на правата на заедниците. Исто така Партиципативниот форум овозможува директна комуникација, дијалог и соработка на заедниците со надлежните органи и институции.
