Денеска, Директорот на Агенција за oстварување на правата на заедниците Далибор Китановиќ заедно со представници на Агенцијата, оствари работна посета на Општина Демир Капија, каде што се сретна со градоначалничката г-ѓа Наталија Димитриева.
Средбата помина во конструктивна и срдечна атмосфера, при што се разговараше за состојбата, потребите и предизвиците со кои се соочуваат припадниците на помалубројните заедници. Градоначалничката не запозна и со актуелните општински проекти, како и со планираните активности за наредниот период.
Во рамките на посетата организиравме состанок со претставници на заедниците кои се застапени со помалку од 20% од населението во Општина Демир Капија. На средбата се разговараше за предизвиците и проблемите со кои се соочуваат припадниците на овие заедници, при што посебно внимание беше посветено на прашањата поврзани со меѓусебното разбирање, соживотот и унапредувањето на односите меѓу заедниците на локално ниво.
Теренските посети и непосредниот дијалог со граѓаните се од особено значење за работата на АОПЗ. Само преку директна комуникација и соработка со локалната самоуправа и претставниците на заедниците можеме изворно да ги согледаме нивните потреби и да придонесеме кон изнаоѓање конкретни решенија.
Како Агенција, остануваме посветени на унапредувањето на правата на помалубројните заедници, јакнењето на меѓусебната доверба и градењето општество во кое различностите се почитуваат, а секој граѓанин има еднакви можности за активно учество во општествениот живот.
Продолжуваме со теренските активности и соработката со општините, во насока на подобрување на состојбата на помалубројните заедници и градење поинклузивно општество.




