АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Амбасадорката на БиХ ја посети Агенцијата за остварување на правата на заедниците

Амбасадорката на БиХ, Лепа Бабиќ, ја посети Агенцијата за остварување на правата на заедниците и оствари средба со директорите Илхан Рахман и Џелал Хоџиќ

 

На средбата првенствено се дискутираше за состојбата на заедниците кои се под 20%, нивната правична застапеност во админстрацијата, образованието на мајчин јазик и промовирање на нивната култура. Директорот Илхан Рахман зборуваше за позицијата и улогата на АОПЗ, како и потребата од измени на законт со кој ќе се зголемат ингеренциите на АОПЗ. Џелал Хоџиќ ја информираше амбасадороката Бабиќ за идните планови на Агенцијата, како и активностите во месец ноември, кои се резултат на обновената соработката со ОБСЕ.

 

Амбасадорката Бабиќ ги информираше Рахман и Хоџиќ за договорите кои Македонија и Босна и Херцеговина наскоро треба да ги потпишат, како и плановите за подобрување на соработката во полето на образованието. Амбасадорката напомена и дека се прават сериозни напори да се воспостави авио линија Скопје-Сараево.

 

На состанокот се зборуваше и за потребата од редовна соработка помеѓу Амбасадата на БиХ и АОПЗ, а заменик-директорот Хоџиќ побара АОПЗ да биде дел од агендата кога во посета на Македонија доаѓаат преставници на институциите од Босна и Херцеговина.

                                                                                                                                                          Скопје

                                                                                                                                                      31.10.2017