АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Амбасадорот на Р. Унгарија, г-дин Андреаш Клеин, во официјална посета на Аопз

Во просториите на Агенцијата за остварување на правата на заедниците, имавме чест да оствараме официјална средба со Неговата Екселенција, Амбасадорот на Република Унгарија, г-дин Андреаш Клеин.

Средбата се одвиваше во исклучително конструктивна и пријателска атмосфера, при што беа разменети мислења за повеќе прашања од заеднички интерес, со посебен акцент на положбата, унапредувањето и афирмацијата на помалубројните заедници во Република Северна Македонија, вклучително и унгарската заедница. 

Неговата Екселенција изрази благодарност за институционалната грижа и континуираната поддршка што унгарската заедница ја ужива од страна на Агенцијата и Владата на Република Северна Македонија, истакнувајќи ја важноста од негување на меѓусебната соработка и пријателството меѓу двете држави.

Воедно, беше потенцирана цврстата и принципиелна поддршка што Република Унгарија ѝ ја дава на Република Северна Македонија во процесот на европска интеграција, при што беше нагласено дека таа поддршка ќе продолжи и во иднина, како израз на искреното партнерство и заемната доверба.