АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

“Заедничка програма за правата на малцинствата во Западен Балкан”

Претставник од Агенцијата за остварување на правата на заедниците учествуваше на консултативен состанок за изработка на “Заедничка програма за правата на малцинствата во Западен Балкан” , организиран од Европската Унија/Совет на Европа се одржа во Бечиќи / Црна Гора. Заедничката програма ќе ги вклучи и сите корисници на ИПА фондовите: Албанија, Босна и Херцеговина, Хрватска, Црна Гора, Србија, Македонија, како и Косово. Исто така и Турција беа поканети за учество.

Овој претпроектен консултативен состанок со претставниците на земјите корисници кои се занимаваат со унапредување и заштита на малцинските права на Западен Балкан, беше предвиден како неформална размена на приоритети и интереси помеѓу заинтересираните страни кои ќе се вклучат во натамошниот проект. Целта е да се утврдат потребите и прашањата за кои се пројавува загриженост кај оние органи кои се занимаваат со заштита и унпредување на човековите права, посебно на полето на правата на припадниците на заедниците и како тие би можеле да се решат со регионалниот проект. Во фокусот на неформалниот консултативен состанок беше почитувањето на малцинските права во пракса во склад со европските стандарди, вклучувајќи и андтидискриминациони норми и стандарди. Долгорочната цел на идниот проект е подигање на свеста за важноста на малцинските права, како предуслов за интеграција на регионот во ЕУ.