АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Работна средба со претставници на Влашката заедница во Република Северна Македонија

Во просториите на Агенцијата за остварување на правата на заедниците се одржа работна средба помеѓу директорот на Агенцијата, г-дин Далибор Китановиќ, и претставници на Влашката заедница во Република Северна Македонија, предводени од претседателот на Партијата на Власите, г-дин Стеријо Папули.

Во конструктивна и пријателска атмосфера се разговараше за актуелната состојба на Влашката заедница, предизвиците со кои се соочува, како и можностите за понатамошно унапредување на нејзината положба и афирмација во општеството.

Претставниците на заедницата ја истакнаа благодарноста за отвореноста и достапноста на Агенцијата, како и за заложбите што ги презема во насока на заштита и унапредување на правата на сите заедници во државата, вклучително и на Влашката заедница.

На средбата беше изразена заедничка подготвеност за продлабочување на соработката преку реализација на заеднички проекти и активности во повеќе области од заемен интерес, со посебен акцент на образованието, зачувувањето на културниот идентитет и заштитата на културното наследство на Власите.

Агенцијата за остварување на правата на заедниците останува посветен партнер во градењето на општество засновано на еднаквост, меѓусебна почит и афирмација на културната разновидност како наша заедничка вредност.