АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Работен состанок со дел од невладините организации на Турската заедница во Р.Македонија

Денеска во просториите на Агенцијата за остварување на правата на заедниците (АОПЗ) се одржа работен состанок со дел од невладините организации на турската заедница во Р.Македонија.

 

На состанокот директорот Г-дин Илхан Рахман ги информираше присутните за состојбата на Агенцијата, за планираните активности во наредниот период, заложбата да се подигне видливоста на проблемите на етнички заедници во општеството а воедно и вклучувањето на невладините организации во тој процес.

 

Заменик директорот на АОПЗ,  Г-дин Џелал Хоџиќ, во своето обраќање до присутните зборуваше за заедничките проблеми на заедниците во остварувањето на правото на образование на мајчин јазик, како и потребата за квалитетна медиумска програма на јазиците на заедниците.

 

На состанокот се обрна внимание за проблемите на турската заедница од областта на остварувањата на правата  во образованието, културата , правичната застапеност  и потребата за зајакнување на капацитетите на граѓанскиот сектор.

 

Директорот Г-дин Илхан Рахман во име на Агенцијата искажа спремност за работа на заеднички проекти заедно со невладините организации.

 

Скопје

04.10.2017