АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Пратеничката Моника Зајкова во посета на АОПЗ

Пратеничката во македонското собрание, Моника Зајкова, беше во посета на Агенцијата за остварување на правата на заедниците (АОПЗ), каде оствари средба со заменик- директорот Џелал Хоџиќ.

 

На средбата првенствено се дискутираше за состојбата на заедниците кои се под 20%, нивната правична застапеност во администрацијата, образованието на мајчин јазик и промовирање на нивната култура. Хоџиќ ја информираше Зајкова за позицијата, улогата и активностите на АОПЗ, со посебен акцент на активностите од проектот “Зајакнување на демократијата преку промоција и унапредување на правата на заедниците“, кој е поддржан од ЕУ и е во финална фаза на реализација.

 

Заменик директорот Хоџиќ потенцира дека со новиот закон по кој работи АОПЗ, значително подобрената соработката на АОПЗ со невладините организации на заедниците, како и соработката со ЕУ делегацијата и Мисијата на ОБСЕ во Скопје, зголемената видливост на Агенцијата во јавноста, АОПЗ покажува капацитети за квалитетно застапување на помалубројните заедници.

 

Пратеничката Зајкова се заблагодари на конструктивниот состанок и изрази подготвеност за поддршка за сите следни активности и предизвици на АОПЗ.