АГЕНЦИЈА ЗА ОСТВАРУВАЊЕ
НА ПРАВАТА НА ЗАЕДНИЦИТЕ

Директорот на АОПЗ имаше чест да се обрати на третиот состанок на Управниот одбор на корисниците на програмата на ЕУ и Советот на Европа „Хоризонтален инструмент за Западен Балкан и Турција“, кој се одржа во Скопје.

Директорот на Агенција за oстварување на правата на заедниците  Далибор Китановиќ имаше чест да се обрати на третиот состанок на Управниот одбор на корисниците на програмата на ЕУ и Советот на Европа „Хоризонтален инструмент за Западен Балкан и Турција“, кој се одржа во Скопје. Во неговото излагање ја истакнаа важноста од континуирана институционална поддршка, јакнење на довербата меѓу заедниците и реализација на реформите кои ги приближуваат европските стандарди кон нашето општество. 🇪🇺 & 🇲🇰
Со поддршка на луѓето, локалните заедници и институциите, Европската Унија и Советот на Европа силно ја поддржуваат Северна Македонија во унапредувањето на клучните судски реформи и зајакнувањето на заштитата на човековите права. Ова партнерство продолжува да го поттикнува одржливиот напредок на европскиот пат на земјата.
На состанокот беа презентирани главните достигнувања и приоритети на програмата, а Агенцијата за остварување на правата на заедниците активно ги сподели своите искуства и придонеси.
Меѓу учесниците беа и:
Клаус Нојкирх, директор на Директоратот за координација на програми во Советот на Европа
Кире Илиоски, амбасадор и директор за мултилатерални односи во Министерството за надворешни работи и надворешна трговија
Бен Нупнау, заменик-шеф на Делегацијата на Европската Унија во Северна Македонија
Заедно продолжуваме да градиме посилни институции и подобра заштита на правата на сите граѓани.